Рамос нема дилеми: Тој е најдобар фудбалер на сите времиња

Серхио Рамос долги години е на фудбалската сцена, период во кој успеа да ги освои сите можни трофеи како на клупско така и на репрезентативно ниво, но воедно и период во кој имаше можност да соработува со многу квалитетни играчи, но и да се надигрува со супер фудбалери.

Сето ова го прави идеален човек да каже свој став за тоа кој е најдобар играч на сите времиња секако согледувајќи го своето искуство, ама и тоа што можел да го види, слушне за останатите имиња со кои не можел да се натпреварува.

Стоперот на ПСЖ долги години играше со Кристијано Роналдо, па многумина сметаат дека него ќе го посочи каок број еден, ама за Шпанецот најдобар е сегашниот клупски соиграч, Лионел Меси.

-Страдав многу години играјќи против Меси. Сега уживам со него. Тој е најдобриот играч што некогаш се појавил во фудбал, -порача јасно и директно шпанската легенда.