Раководството на Рома донело одлука за позицијата на Јуриќ

Иван Јуриќ сезонава го наследи Даниеле Де Роси на клупата на Рома, но сега и самиот се наоѓа пред отказ во италијанскиот клуб.

Поразот од неговиот поранешен тим Верона дополнително му ја расклати позицијата во редовите на „волчицата“, но барем засега хрватскиот стручњак останува на својата функција.

Раководството на Рома решило да му укаже доверба на Јуриќ за натпреварот со Унион Сан-Жилоис во Лига Европа, па тој ќе ја води екипата на гостувањето во Белгија.

Членовите на менаџментот од фамилијата Фридкин во моментов не биле во Рим и само ги инфомирале соработниците за одлуката, но јасно е дека истата не е гаранција за останување на Јуриќ на долг рок.

Победата ќе биде императив за „волчицата“ и можност Јуриќ да си ја задржи позицијата и покрај фактот што има само четири победи на последните десет натпревари.