Ракометната Суперлига ќе стартува со големо дерби уште во првото коло

Денеска во просториите на РФМ се одржа извлекувањето за новата натпрварувачка сезона во македонската елита, а со тоа го дознавме и распоредот за Првото коло во Суперлигата.

Македонското првенство ќе стартува со големо дерби уште во воведното коло, бидејќи Алкалоид како актуелен Куп шампион ќе го пречека најтрофејниот македонски колектив, тимот на Вардар.

Новата ракометна сезона ќе започне во месец септември, односно викенд програмата е предвидена за 7-ми септември.

Еурофарм Пелистер како актуелен шампион ќе ја отпочне одбраната на титулата против Тиквеш, а од извлечената ждрепка за издвојување е и датумот за „вечното дерби“.

Пелистер и Вардар првпат ќе се пресметаат во четвртото коло на крајот на септември, а реваншот на средината на месец декември.

Двојки за прво коло:

Алкалоид – Вардар
Радовиш – Охрид
Бутел Скопје – Куманово
Прилеп – Пролет
Тиквеш – Еурофарм Пелистер
Струга – Бисинов