Ракометен циркус: Бразилецот Артур исценира нокаут од судијата и ги изнасмеа фановите (Видео)

Унгарија со максимални четири бода влезе во главната рунда и продолжи со брилијантните изданија на мундијалот, па откако ја победи Германија, денеска најде решение и за незгодниот Бразил кој во првото коло и создаде многу проблеми на Шпанија.

Унгарците успеаја да победат со комотни 29:23 благодарение на бравурозното прво полувреме во кое компетно ги надиграа „кариоките“ со 16:11, а потоа во второто го одржуваа водството и со цврста одбрана го привршија мечот во своја корист.

Селекцијата која ја предводи Гујаш останува прва во својата група со максимални шест освоени бода, но покрај доминацијата на Унгарците, од овој натпрвар за издвојување е и еден урнебесен момент кој ги изнасмеа ракометните фанови.

Судиската интерпретација дека бразилскиот ракометар направил прекршок стана вирален хит на интернет, а причина за тоа е фактот што Бразилецот Артур Патријанова изимитира невидлив нокаут од арбитарот.

Оптичката илузија направи ова видео да стане вирално на социјалните мрежи…