Поврзете се со нас

Светски првенства

Ракометарките на Македонија сами си ја кројат судбината: Реми со Исланд доволно за пласман во четвртфиналето

Објавено

на

Кадетските репрезентативки на Македонија вечерва со почеток од  20:30 часот ќе го одиграат најважниот натпревар на Светското првенство за ракометарки до 18 години.

Избраничките на Љубомир Савевски во СЦ „Борис Трајковски“ ќе се соочпат со селекцијата на Исланд во натпревар во кој можеме да добиеме многу.

Имено, со реми од средбата против фаворизираниот противник Македонија ќе обезбеди сигурен пласман во четвртфиналето на Мундијалот кој се одржува во Скопје.

Дури и да бидеме поразени, имаме шанси за пласман во четвртфиналето. Доколку Шведска го победи Иран, а тоа е очекувано, ќе треба тоа да не го направи со голема гол разлика затоа што во конечниот скор би имале ист број поени.

Тогаш би одлучувала гол разликата која во моментов е во корист на Македонија. Македонија има гол разлика од плус 12, додека Шведска од минус пет. Тоа значи дека Шведска не смее да победи со голема гол разлика против Иран, во случај Македонија да загуби од Исланд.

Натпреварот Македонија – Исланд се игра во 20:30 часот во СЦ „Борис Трајковски“, а влезот е слободен. Во 18:30 часот ќе се сретнат Швеска и Иран, па нашите надежи дополнително ќе знаат што ќе им е потребно за пласман во елиминационата рунда.

Реклама
Реклама
Реклама

Популарни