Ракометарите тесно поразени на тестот со Хрватска во Вараждин

Македонската ракометна сениорска репрезентација претрпе тесен пораз од Хрватска од 27:25 на вечерашното соочување во Вараждин.

Избраниците на Лазаров одлично се носеа со една од селекции, земјите која е ко-домаќин на престојното Светско првенство, односно од овој тест сигурно ќе можат да се извлечат поуки, позитивни работи пред дуелите со Унгарија, Гвинеја и Холандија на мундијалот.

Нашите ракометари беа конкуретни од почеток до самиот крај, првиот дел го добивме со 14:13, период во кој на голот го имавме одличниот Митревки. Жестока борба за водеше и во вторите 30 минути, во самата завршница или поточно во 57 минута резултатот беше 24:24.

Меѓутоа кога беше најпотребно домаќинот подобро се снајде и со 3:1 на крајот дојде до конечно славје.