Ракометарите и ракометарките ги дознаа ривалите за Медитерански игри во Алжир

Ракометарите и ракометарките ги добија противниците за Медитерански игри кои ќе се одржат во Алжир.

Машката сениорска репрезентација ќе игра во групата Б каде за ривал освен домашната селекција ќе ја има уште Шпанија, Турција и Грција. Во другата група А пак силите ќе ги одмерат Тунис, Словенија, Египет, Италија и Србија.

Кога се во прашање пак дамите тие исто така се во групата Б каде ќе излезат на мегдан против Србија, Португалија и Турција.  Во групата А се сместени Алжир, Шпанија, Тунис и репрезентацијата на Хрватска.

Медитеранските игри во Оран ќе се одржат од 25 јуни до 5 јули.