Ракитиќ суров за златната генерација на Барса: Мислевме дека сме над сите и добивме казна од фудбалот!

Иван Ракитиќ беше дел од златната генерација на Барселона од која бел беа Меси, Суарез, Нејмар, Иниеста и Чави, но и покрај сите големи успеси кои ги остварија заедно, се чини дека овој тим можеше да освои многу повеќе од тоа што го направи.

Тоа го смета и легендарниот хрватски репрезентативец кој доживеа две болни елиминации во Лигата на шампионите, една од Рома, а потоа и од Ливерпул.

Ракитиќ верува дека тој тим на Барса имал потенцијал да освои многу повеќе од една титула во Лигата на шампиони, па затоа е и доста суров кога се навраќа на тој период.

– Тој тим со играчи како мене, Меси, Нејмар, Суарез, Иниеста и Чави требаше да освои повеќе. Со сета почин кон другите екипи, но ние не освоивме повеќе поради досада и поради тоа што мислевме на нефудбалски работи.

– Слушав соиграчи како велат дека не го гледале тимот против кој играме. Ја упрскавме работата против Рома и Ливерпул. Мислевме дека сме супериорни во однос на другите и не дававме максимум. Ако ја задржевме гладта од првата сезона, ќе освоевме уште 2 или 3 титули во Лигата на шампионите. Мислевме дека сме над сите и добивме казна од фудбалот! – вели Ракитиќ во интервјуто за „Пелотазо Канал Сур“.