Ракитиќ ги искоментира шпекулациите за негова разделба со Барселона

Иван Ракитиќ веќе подолго време е поврзуван со разделба со Барселона, но барем засега останува дел од шпанскиот тим и го очекува најавеното продолжување на сезоната.

Хрватот во своето последно интервју за германски „Скај“ зборувал на најактуелната тема, истакнувајќи дека сака докрај да го одработи договорот со Барса.

– Веќе шест години сум во Барселона и сум слушнал многу работи, навикнат сум.

– Секогаш се потсетувам себеси дека фудбалот не е само спорт, туку многу повеќе од тоа, па често најдобро е само да се насмевнеш.

– Најважно е што јас се чувствувам добро, соработувам со тренерот и клубот, се уште имам договор, а кога го потпишувам вообичаено сакам да го одработам до крајот. Ако не добијам шанса за тоа, ќе седнеме на маса и ќе разговараме со одговорните во Барселона, но во моментов сум среќен овде, – изјавил Ракитиќ.

Договорот на Хрватот истекува следното лето, а покрај со трансфер во Италија, досега беше поврзуван и со тимови како Атлетико Мадрид и Севилја.