Рајт со порака за Челси: Засрамувачки потег кој ви кажува многу за клубот

Челси реши да не го казнува Енцо Фернандез поради расистичко-дискриминаторскиот скандал кој го предизвика по освојувањето на Копа Америка, но голем дел од англиската јавност смета дека клубот отишол предалеку со одлуката да му ја даде капитенската лента во првото премиерлигашко коло.

Аргентинецот беше капитен на дербито со Манчестер Сити, а еден од оние кои го осуди потегот на Челси и менаџерот Енцо Мареска, е легендарниот Иан Рајт.

– Челси, боже мој, средете се, што правите?

– Нема шанси тој човек да ја заслужи капитенската лента, ова е засрамувачки.

– Истовремено, тој не ги ни испорачуваше потребните перформанси уште пред тој срамен потег. Не заслужи со ништо да биде капитен, а стана капитен. Тоа ви говори се за Челси, – рекол Рајт во еден подкаст.