Рајт со критики за Тен Хаг: Некои работи не можам да ги разберам

Манчестер Јунајтед загуби на гостувањето кај Брајтон и тоа со гол постигнат длабоко во судиското надополнување, а легендарниот Иан Рајт смета дека менаџерот Ерик тен Хаг е главен виновник за ваквиот епилог.

Во најновото издание на својот подкаст, Рајт потенцирал дека не може да разбере одредени одлуки на Тен Хаг, а посебно потегот со кој го повлече Бруно Фернандеш на дваесетина минути до крајот на средбата.

– Многу работи на тој натпревар не можам да ги разбирам и не очекував да се случат.

– Најважно од се, не можам да сфатам зошто Тен Хаг го повлече Бруно и реши да игра подефанзивно.

– Кога Фернандеш излегуваше од игра се смееше и како да велеше: Не можам да поверувам што прави овој човек.

– Таков впечаток добив јас, ако некој може да добие натпревар за Јунајтед тоа е Бруно, – рекол Рајт.