Рајт искритикува двајца играчи на Челси: Тоа не е доволно добро…

Челси претрпе пораз од Арсенал од 1-0 во битката за Лондон во рамките на 29. коло во англиската Премиер лигата.

Ова беше дуел во кој немаше премногу шанси, па на крајот како одлучувајќи се покажа ситуацијата од 20 минута кога Мерино ја смести топката на вистинското место на асистенција на Одегард.

Иан Рајт како аналитичар го следеше овој дуел и испрати критики за двајца играчи на „сините“ кои според него не биле на посакуваното ниво, место во клучната акција на „Емирејтс“.

-Тоа е одличен удар со глава, но погледнете ги деталите од Нкунку. Менаџерот го поставил таму поради таа конкретна причина. Тоа ги чинеше натпреварот. Движењето на Мерино е одлично, но тој може да го удри само затоа што Нкунку не ја работи својата работа, -рече Рајт кој говореше и за поставеноста на голманот Роберт Санчез.

-Тој не треба да биде таму. Треба да се врати на својата линија. Беше чудно. Има простор каде што е, но се вмеша со играч на Арсенал. Веројатно ќе ја фатеше топката ако беше на вистинската позиција. Тоа е толку лош голман на ова ниво, не е доволно добро, -порача некогашниот англиски репрезентативец.