Рајс за „виновникот“ за победата на Арсенал: Постојано ни порачуваше…

Арсенал ги доби Реал Мадрид со 3-0 и со една нога веќе е во полуфиналето на Лигата на шампионите.

Ова е огромен резултат за премиерлигашот, победа од три разлика против актуелниот европски првак, победа која мора да биде потврдена и во Мадрид, но повеќе од јасно е дека „топчиите“ се во идеална позиција да обезбедат место во наредната рунда.

Херој на клубот од Лондон беше Деклан Рајс кој постигна два фантастични погодоци од слободен удар, два први негови голови од прекин во кариерата и тоа во каков момент, на каков натпревар.

-Првично требаше да ја нафрлам топката. Но, ја видов позицијата на голманот и живиот ѕид и отидов на директен удар. Кај вториот чувствував самодоверба. Среќен сум, надвор од себе. За неколку години ова ќе ме удри и можеби ќе бидам посвесен дека навистина направив нешто посебно вечерва. И Сака ми рече да работам по чувство, -вели Рајс кој го посочи менаџерот Микел Артета како клучен фактор за победата.

-Ова менаџерот ни го говореша, вака ни порачуваше цела недела: „Мораме да бидеме супер уверени дека можеме да победиме“. Бевме навистина сигурни дека ќе победиме. Знаевме дека треба да постигнеме голови во вториот дел и го направивме тоа, -подвлече англискиот репрезентативец.