Рајнкинд постигна гол во последната секунда, Норвешка го освои петтото место на ЕП (Видео)

Харалд Рајнкинд постигна гол во последната секунда, а Норвешка го победи Исланд со 34:33 по продолжение во битката за петтото место на Европското ракометно првенство.

Вистинска драма креираа двете одлични селекции кои лесно можеа да се борат и за медал, а во регуларните шеесет минути резултатот беше 27:27.

Интересно, Исланѓаните имаа шут за победа, но ударот на Јонсон од својата половина заврши покрај празниот норвешки гол.

🚨 EXTRA-TIME!@HSI_Iceland 🇮🇸 27:27 @NORhandball 🇳🇴 at the end of full-time#ehfeuro2022 #watchgamesseemore pic.twitter.com/7wCYbSpMm0

— EHF EURO (@EHFEURO) January 28, 2022

Казната стигна во завршницата на дополнителните десет минути, откако Рајнкинд постигна гол буквално во последната секунда за конечни 34:33 и петто место за Норвежаните.

Сагосен со 8 и Рајнкинд со 6 гола беа најефикасни во победничкиот состав, додека кај Исланд, Магнусон постигна 10, а Смарасон 8 погодоци.

🤯 A dramatic end to @NORhandball 🇳🇴 and @HSI_Iceland‘s 🇮🇸 #ehfeuro2022! pic.twitter.com/IMYLq0aFtO

— EHF EURO (@EHFEURO) January 28, 2022