Рајндерс влезе во голгетерска форма, Милан им се врати на победите (Видео)

Милан дефинитивно не игра допадлив и напаѓачки фудбал како што се замислуваше дека ќе игра под водство на Пауло Фонсека, а доказ за тоа беше и вечерашниот натпревар на „Бриантео“.

Монца вршеше притисок во раната фаза на мечот и постигна гол преку Дани Мота кој беше поништен во сомнителни услови, но во почетната фаза, зрели шанси за водство не реализираа и Малдини и Переира.

Утките на домашните беа сурово казнети од гостите од Милано кои успеаја да погодат преку разиграниот Рајндерс кој влезе во голгетерска форма, па иако тоа се случи во 43-та минута, тој момент се покажа како клучен на мечот.

Милан по постигнатиот гол беше подобар тим на теренот и полесно ги контролираше случувањата, што секако е добра вест за Фонсека и фановите по поразот од Наполи пред неколку дена.

Петтата победа во сезоната го носи Милан до седмото место на табелата, а со 17 освоени бода има осум помалку од лидерот Наполи.

Видеото погледнете го ТУКА