Рајли излезе со официјален став на Мајами за трејдот на Батлер

Џими Батлер е топ тема во НБА кулоарите последните неколку недели, но очигледно Мајами Хит има поинакви планови од она што го сака играчот и го најавуваа медиумите.

Шпекулациите беа дека Батлер ќе бара размена во клуб со шанси да се бори за титулата, а тие се развлекоа толку долго, што мораше да реагира и Пет Рајли.

Претседателот на клубот го истакнал ставот на составот од Флорида по ова прашање и појаснил што ќе се случува со Батлер.

– Вообичаено не коментираме шпекулации, но она што се случуваше периодов почна да го дефокусира тимот и не е фер за играчите и тренерите.

– Затоа ќе бидеме јасни, нема да го размениме Џими Батлер, – изјавил Рајли.

Батлер сезонава ќе заработи 49 милиони долари, а следната и последна од договорот треба да му донесе 52 милиони долари. Тој сака да се откаже од таа опција за да замине во друга средина, но очигледно Мајами има поинакви планови.