Рајкард за асот на Милан: Станува еден од најдобрите на светот…

Милан се прикажа во одлично издание и успеа да оствари голем триумф на гостувањето кај Реал Мадрид (3-1) во Лигата на шампионите.

„Росонерите“ го решија актуелниот првак во неговиот дом и со тоа само потврдија дека се квалитетен состав на кој најголемиот проблем и е конзистентноста во настапите. И на овој дуел еден од најдобрите играчи на калчолигашот беше холандскиот репрезентативец, Тиџани Рајндерс кој навистина импресионира со изданија, станува миленик на навивачите, но и изнудува големи комплименти од големи асови како што дефинитивно е Франк Рајкард.

-Се надевам дека Рајндерс ќе стане еден од најдобрите играчи од средниот ред во светот, навистина верувам дека тој е на вистинскиот пат. Навистина ми се допаѓа неговиот начин на игра. Тој станува се поважен за Милан како што одминува времето.

-Тој може да ги покрие сите улоги на средината на теренот и е навистина дарежлив. Тој никогаш не престанува да трча за тимот и секогаш дава се од себе. Со квалитетот што го има, тој е навистина добар во создавањето опасни шанси за своите соиграчи и секогаш добро го започнува потегот, -порача Рајкард за „Газета Дело Спорт“.

Ова за Холанѓанецот е втора години во Милан, клуб во кој пристигна од Аз Алкмар за 20 милиони евра.