Поврзете се со нас

Лига на нации

Рајан Гигс испрати соопштение: Соработувам со полицијата!

Објавено

на

Легендарниот фудбалер на Манчестер Јунајтед и актуелен селектор на Велс, Рајан Гигс, се огласи во јавноста по синоќеншниот инцидент за кој сите медиуми објавија дека може да го чини отказ.

Првично, полицијата соопшти дека привела 46-годишен маж во Салфорд крај Манчестер, претходна пријава регистрирана во 22 часот, за напад врз неговата девојка, но дека по испитувањето бил ослободен со кауција. Возраста на девојката во истото соопштение е опишана „во нејзините триесетти“, со објаснување дека имала „минорни повреди за кои не бил потребен никаков третман“.

Фудбалската федерација на Велс ја откажа денешната прес конференција на која Гигс требаше да го соопшти составот на националниот тим во пресрет на новата рунда интернационални натпревари, дополнувајќи дека е „информирана за наводниот инцидент на менаџерот на машката национална селекција.

Подоцна, беше лиферувана изјава во името на Рајан Гигс од страна на неговите правни советници.

– Тој соработува со полицијата и ќе продолжи да им асистира со истрагата која е во тек.

Гигс на позицијата селектор на Велс го наследи Крис Колеман во 2018 година. Неговите репрезентативци во ноември имаат три натпревари, најпрво еден пријателски со Соединетите Американски Држави (12 ноември), и потоа во рамките на Лигата на нации, со Република Ирска (15 ноември) и Финска (18 ноември).

Во текот на квалификацискиот циклус, Велс се избори за пласман на Европското првенство и треба да игра во група со Турција, Италија и Швајцарија.

Реклама
Реклама
Реклама

Популарни