Раја правеше чуда на голот, Арсенал освои бод на „Олд Трафорд“ (Видео)

Манчестер Јунајтед ќе биде на далеку повисока позиција на табелата ако секој натпревар го игра како овој денеска, но дури и во таква ситуација, избраниците на Рубен Аморим не успеаја да остварат победа.

Дербито на „Олд Трафорд“ мина во знакот на „црвените ѓаволи“, кои навистина можат да жалат што не освоија три бода во пресметката со Арсенал, на која посебно брилјираше Давид Раја.

Шпанскиот чувар на мрежата имаше три брилијантни интервенции во второто полувреме, од кои последната во 93-та минута беше неверојатна во дуелот со Бруно Фернандеш.

Претходно, голманот на Арсенал беше бравурозен и во дуел со Мазрауи при резултат 1:0 за Јунајтед, а му одбрани одлична шанса и на Зиркзе.

Благодарение на неговото издание, Арсенал остана во игра и успеа да израмни со голот на Деклан Рајс, па така играчот за врска го неутрализираше погодокот на Бруно од крајот на првото полувреме.

На крајот двата тима мораа да се задоволат со по еден освоен бод, а овој резултат значи дека Ливерпул сега е уште толку поблиску до титулата во Премиер лигата.

Првата страшна одбрана на Раја во дуелот со Мазрауи погледнете ја ТУКА

Клучната одбрана во 93-та минута погледнете ја ТУКА

Головите погледнете ги ТУКА