Раја му се восхитува на најдобриот голман во светот: Тој е класа над сите

Давид Раја пред неколку дена беше испофален од Алан Ширер и наречен еден од најдобите голмани во Премиер лигата, но во период кога добива се поголема афирмација и во Европа, шпанскиот чувар на мрежата реши да проговори и за најдобриот голман во светот.

Шпанскиот чувар на мрежата призна дека му годат пофалбите кои ги добива во последно време, но како човек кој секогаш сака да напредува, остана скромен кога беше запрашан дали се гледа себеси меѓу најдобрата голманска елита.

– Не сакам да се вклучувам во конверзациите според кои ме споредуваат со најдобрите. Убаво е да има такво мислење во јавноста, но мој приоритет е само да играм и да се насочам на своите изданија. Сакам да бидам подобра верзија од себе секој нареден ден и тоа е мојата главна цел.

– Кој е најдобар голман во светот? Тоа е тешко прашање, но според мене, има еден кој е недопирлив за конкуренцијата и кој е класа над сите.

– Би рекол дека тоа е Тибо Куртоа. Знам дека е повреден во овој момент, но тоа не значи дека не е најдобар. Јас го бирам него за најдобар во светот, – потенцира Раја.