Рафиња за најважниот играч во својот тим: Тој е „срцето“ на оваа Барселона

Соработката на Ханси Флик и Рафиња го претворија Бразилецот во еден од најдобрите фудбалери во Ла Лига, а неговиот ефект е меѓу најважните за актуелната ситуација на табелата во шпанското првенство.

Бразилецот во последната изјава за медиумите зборувал за сопствениот тим, истакнувајќи го Педри како клучен играч за Барса.

– Многу сум задоволен од екипата, ние сме екипа која учи секој ден и според мене, учи побрзо од очекуваното.

– Педри нема многу голови и асистенции, но според мене е најважниот играч во нашиот тим, тој е „срцето“ на оваа Барса. Кога не е во составот, тогаш нешто ни недостасува, тој е меѓу најдобрите светски фудбалери.

– Што се однесува до Јамал, да играш со него е вистинска лудост. Тоа што го прави на теренот те тера да помислиш дека игра професионален фудбал од 10-годишна возраст, – рекол Рафиња.