Рафиња се отвори: Фудбалот е професија која те уништува…

Рафиња е еден од играчите кој го одбележа стартот на сезоната во Примера, односно со своите настапи, голови и асистенции и овозможи на Барселона да биде на врвот со перфектни четири од четири.

Под водство на Ханси Флик гледаме еден нов Рафиња, играч кој може да покрие повеќе позиции и може да биде максимално корисен за екипата. Со овие изданија тој само се наметнува не само кај тренерот туку и кај навивачите кои едно време имаа став дека е време Бразилецот да си замине, да биде заменет со друг играч.

Сите овие вести, информации допираат до играчите, па Рафиња отворено говореше на оваа тема.

-Откако прочитав дека заминувам, дека клубот не смета на мене, откако слушнав дека печатот зборува лошо за мене… Никогаш не замислував дека ќе бидам еден од капитените на Барса. многу сум возбуден. Внатре во соблекувалната, луѓето имаат доверба во мене. Ова ве движи и прави да се чувствувате поважни.

-Ако работите напорно и сакате да имате фудбалска кариера, не треба да се откажувате. Имав многу причини да се откажам, да го оставам фудбалот на страна и да продолжам со мојот живот. Тоа е професија која те уништува. Имав моменти кога доаѓав дома и не знаев дали ќе станам наутро за повторно да дојдам да тренирам.

-Многу имам плачено, исто и овде. Работам на менталното здравје бидејќи видов дека е многу важно секој тоа да го прави затоа што многу помага. Фудбалот те уништува. Многу е лесно да влезеш во депресија и се да оставиш, -порача офанзивецот.