Рафиња: Јамал како Меси? Јас повеќе го гледам како…

Барселона игра на навистина високо ниво во досегашниот тек на натпреварувачката 2024/2025, а за тоа големи заслуги има напаѓачката тројка Роберт Левандовски, Рафиња и Ламин Јамал.

Рафиња игра како препороден под водство на Флик, Левандовски како да годините застанале за него, додека талентираниот Јамал напредува, расте од натпревар во натпревар.

Младиот Шпанец веќе некое време е хит иако се уште е само тинејџер, има споредби со Лионел Меси со оглед на истиот пат, но според Рафиња тоа е погрешно, поточно Јамал го потсетува на друг играч-Нејмар.

-Го гледам повеќе како Нејмар – дриблингот, колку брзо мисли да дрибла. Кога мислите дека можете да му ја украдете топката, тој прави нешто што никогаш не сте го виделе во животот, -порачува Бразилецот за „Ел Паис“.