Рафиња ја посочи главната причина за лошата форма на Барселона во Примера

Барселона утре е домаќин на Атлетико Мадрид во дерби средбата од 18.коло во шпанската Примера, меч во кој каталонците влегуваат како лидери на табелата иако имаат ист број на бодови со избрнаиците на Диего Симеоне.

Избраниците на Флик делуваа незапирливо во првите 12 кола во Ла Лига каде забележаа 11 победи, изградија предност во однос на ривалите, но потоа доживеаа неочекуван пат и запишаа само еден триумф и притоа доживеаа порази од екипи кои се под нивно ниво како Лас Палмас и Леганес и тоа на „Монжуик“.

Ова го искористија конкурентите и се залепија на Барса која е прва, но со меч повеќе во однос на мадридските ривали Атлетико и Реал што значи може да падне и на третотото место. Повеќе е јасно е дека каталонците ќе мора брзо да се разбудат, да покажат повеќе почнувајќи од утрешниот меч.

Рафиња е еден од најдобрите поединци на Барселона во тековнава сезона, лидер и според него лошата форма во последно време се должи на уморот кој е присутен во екипата која реално нема преголем ростер на располагање.

-Се зависи од нас. Бевме лоши. Го спуштивме нивото. Можеби ни недостасуваше концентрација во моменти и тоа не чинеше. И замор исто така. Ако ви кажам дека не бевме уморни во одредени натпревари кога испуштивме поени, ќе ве излажам. Заморот мислам дека е најголемиот фактор, но и ние го спуштивме нивото, -вели Бразилецот кој сепак е оптимист.

-Да, [ќе] поминеме низ ова. Имам тетоважа која вели дека „сè поминува“, што значи дека минуваат лошите моменти и добрите, така што ќе помине. Ние правиме добро, имавме добар момент [на стартот на сезоната], влеговме во лош момент и тоа ќе помине. Тоа е животот. Таков е фудбалот и животот е исто така.

-Мислам дека на секој натпревар, на секој тим треба да му пристапиме како на најмоќниот тим во светот. Ако го направевме тоа, мислам дека ќе бевме многу поконцентрирани, да се браниме заедно, да напаѓаме заедно и поконцентрирани да постигнуваме голови. Ако на секој натпревар одиме мислејќи дека е најважен, ќе бидеме подобри, -заклучи Бразилецот за „ЕСПН“.