Рафиња и Шчесни си поигруваа со собирачот на топки, односот на двете ѕвезди наиде на жестоки критики (Видео)

Барселона во краток временски интервал ја испушти комотната предност која ја имаше во однос на Реал Мадрид, а главна причина за тоа се послабите изданија на гостински терен.

Поразот од Реал Сосиедад и ремито со Селта Виго беа надополнети со нови загубени два бода на „Бенито Виламарин“, и тоа со гол примен во 94-та минута.

Диао ги разочара гостите од Каталонија со ефектната завршница во судиското продолжение, гол на кој сега уште повеќе се радуваат фановите на Бетис поради видеото кое кружи во јавноста.

Во најавата за дербито во Андалузија, две ѕвезди на Барселона се однесувале доста потценувачки кон едно момче кое само си ја вршело својата работа, а таквиот пристап им донесе огромни критики на социјалните мрежи.

Станува збор за Рафиња и Шчесни, а посебно невкусни се потезите на голманот кој дури во два наврати со поигрувал со собирачот на топки.

Me parece muy triste que Raphinha y Szczesny se dediquen a burlarse de un pobre recojepelotas

Son niñatos malcriados. Se creen que por ser millonarios pueden hacer lo que sea

pic.twitter.com/Lt2dYPmHDO

— Gravesen (@GravesenFunado) December 10, 2024