Рафиња ги исмева Шпанците за поништениот гол на Левандовски (Фото)

Роберт Левандовски одлично се снајде во шеснаесетникот на Реал Сосиедад и погоди за водство од 0:1 на Барселона, а иако голот изгледаше регуларен во прв момент, луѓето во ВАР го прекинаа славјето на каталонците со одлука која се уште отвора големи сомнежи.

Кадрите кои беа понудени во телевизискиот пренос не укажуваа на тоа дека стапалото на Левандовски е пред ногата на Најеф Агерд, но луѓето во ВАР подвлекоа линија според која врвот од копачката на Полјакот е во офсајд.

Ова ги натера фановите на Барселона да веруваат во теории на заговор кои ВАР почна да ги води против нивниот омилен тим, а во серијата потсмевачки коментари се јави и Рафиња.

Неколку членови на Барса како Ињаки Пења и Касадо побараа разгледување на целата спорна ситуација, додека Рафиња реши да се потсмева со Шпанците преку социјалните мрежи.

Бразилскиот фудбалер ја сподели виралната слика според која ногата на Левандовски беше продолжена од луѓето во ВАР, објава со која само потврди дека се сомнева во веродостојноста на подвлечената линија.

Raphinha via IG. pic.twitter.com/9ZQ1I1mCQ7

— Barça Universal (@BarcaUniversal) November 11, 2024