Рафиња: Ако бев во друг клуб, ќе размислев дали да дојдам во Барселона!

Рафиња доби голема одговорност од Ханси Флик и прерасна во лидер на тимот во соблекувалната и на теренот, а носењето на капитенската лента е дополнителен доказ колку германскиот стручњак верува во неговите квалитет.

Бразилскиот репрезентативец се прероди под водство на Флик и дефинитивно ги презентира најдобрите партии како член на Барселона, но бидејќи капитенската лента му носи и многу познајачна улога и надвор од теренот, неговата последна изјава пред полуфиналето во Суперкупот привлече навистина големо внимание.

Барса како клуб се уште бара легитимни начини да ги регистрира Дани Олмо и Пау Виктор, а запрашан за тоа како тој ја доживува цела оваа сапуница, Бразилецот даде искрен одговор кој многумина го протолкуваа и како забелешка за Жоан Лапорта.

– Ако бев во друг клуб и ја гледав ситуацијата која ја доживуваат Олмо и Виктор, сигурно ќе размислев дали да доаѓам во Барселона, или да направам трансфер во друг клуб.

– Јас сум искрен и ова е тоа што го мислам. Кога јас доаѓав во клубот, добро знаев во што се впуштам, сакав да заиграм со овој дрес и чекав до последен момент. Не се каам за ништо од стореното, – потенцира Рафиња.

– Олмо и Виктор даваат позитивни сигнали, но ситуацијата не е пријатна и изгледа доста комплицирано. Се обидуваме да не им вршиме притисок, а истовремено се надеваме дека одговорните што поскоро ќе го решат проблемот, – завршува капитенот на Барса.