Работнички се засили со поранешен младински репрезентативец на Македонија

Работнички имаше фантастична полусезона во Првата македонска лига каде по 18. коло го дели врвот на табелата со Силекси Шкендија.

Ова дефинитивно е потврда за добрата работа која клубот од Дебар Маало сака да продолжи во 2025 година или за вториот дел од шампионатот за кој веќе обезбеди едно ново име, засилување.

Се работи за некогашниот младински репрезентативец на Македонија, Миле Тодоров кој досега беше дел од составот на Тиквеш. Тој на домашната сцена беше дел уште од Скопје, Победа и Работнички од каде замина пред шест години по што настапуваше во Хрватска и Босна и Херцеговина.

Со „романтичарите“ потпиша двегодишен договор.