Работнички и Силекс ги поделија бодовите во Скопје

Работнички и Силекс одиграа без победник 1-1 во првиот натпревар од новата 20. рунда во првата македонска фудбалска лигата.

Средбата која се одигра на националната арена „Тодор Проески“ во Скопје донесе возбудувања на двете страни со тоа што оние најважните се случија во второто полувреме кога и паднаа головите. „Романтичарите“ поведоа со 1-0 во 51 минута со првиот погодок на зимското засилување од Борец, Никола Прелчец.

Домаќините го имаа ова водство до финишот до 80 минута кога резервистот Иван Галевски се најде на вистинското место и донесе бод за кратовци од овој натпревар.

Ова за Работнички беше десетто сезонско реми, вкупно 28 бод со што се наоѓа на 5 место на табелата, Силекс пак со 23 поени е на 8 позиција.