Работнички и Брера се засилија со дефанзивци од Воска Спорт

Екипите на Работнички и АП Брера Струмица ја засилија одбраната со одбранбени играчи кои досега настапуваа за составот на Воска Спорт.

Нов член на составот на Работнички е 26-годишниот Медин Бајрами, ас кој во досегашната кариера беше дел од повеќе тимови во Словенија, го донсеше дресот и на неколку домашни клубови, а има искуство и во Косово.

Тој ќе биде уште една опција за тренерот Станиќ во обидот да се остана при самиот врв или на врвот во ПМФЛ.

Кога е во прашање пак Брера таа ги обезбеди услугите на Христијан Јанкулоски. Тој од минатата година настапуваше за Воска, претходно играше и во Австралија. Тој веќе се приклучи на тимот на Тони Атанасов и веќе тренира со првиот состав за пролетниот дел од првенството каде ќе има задача да биде столб на одбраната.