Работнички доведе крилен напаѓач од Венецуела

Македонскиот фудбалски прволигаш Работнички комплетираше уште една зделка во овој преоден рок, па така нов фудбалер на екипата е Сантијаго Родригез.

Родригез (20) е крилен напаѓач кој доаѓа од Венецуела од таборот на 12-кратниот шампион на оваа земја Каракас. Ова за него ќе биде прво интернационално искуство, предизвик на европскиот континент, па во таборот на „романтичарите“ се надевата дека неговиот трансфер ќе биде полн погодок.

Во минатата сезона одигра 28 натпревари за Каракас и постигна 5 погодоци.

Поранешниот македонски шампион во овој преоден рок ги ангажираше уште Симеон Христов, Момчило Рашо, Арменд Алими, Анес Рушевиќ, Арбин Зејнулаи и Димитриј Попоски.