Работнички ангажираше ново интернационално засилување (Фото)

Работнички е непоразен по две одиграни кола во Првата македонска фудбалска лига, бидејќи по победата над Силекс, „романтичарите“ изминатиов викенд извлекоа бод во Тетово.

Тимот од Дебар Маало ремизираше (1:1) на тешкото гостување кај Шкендија и ги потврди позитивните вибрации од првото коло, а денеска ја извести јавноста за уште едно засилување за новата сезона.

Работнички не сопира да го подобрува играчкиот кадар и денеска се пофали со нов офанзивен фудбалер, Камерунецот Нгу Абега Енјанг.

Слично како и со Рвалдо Мичел кој има 22 години, Работнички повторно му дава шанса за докажување на млад фудбалер, бидејеќи напаѓачот Енјанг има само 20 години.

Претходно, Работнички се засили и со Лука Робакидѕе, Стефан Лазаревиќ и Михаил Димитриевски.