Работите брзо се менуваат во фудбалот: Големата промена во Џенова носи ужасни вести за Балотели (Фото)

Марио Балотели после подолго време дочека понуда од Серија А и успеа да си ја оствари желбата, односно потпиша договор со клуб кој се натпреварува во италијанската елита.

По одобрување од Алберто Џилардино, Џенова реши да го ангажира слободниот агент и да му даде нова шанса во Калчото, но само два меча по потпишаниот договор до крајот на сезоната, Балотели сега ќе се соочи со огромен проблем, кој во најава може да му донесе и навистина лоши вести.

Џенова официјално информираше дека го отпушта Џилардино кој практично му ја отвори вратата на Балотели во првиот тим, а иако уште не е потврдено, јасно е дека на негово место доаѓа Патрик Виеира.

И покрај тоа што имаат долга историја како соиграчи и соработка во вид тренер-играч, последната епизода меѓу Виеира и Балотели не заврши воопшто добро, бидејќи „Супер Марио“ практично си замина од Ница токму поради Французинот кој беше тренер на првиот тим.

– Балотели едноставно не е создаден за тимски спорт, беше навистина тешко да се работи со него, – изјави Виеира во 2019-та година, а ништо подобро мислење немаше и Марио.

– Никогаш немаше да ја напуштам Ница ако во клубот не беше Виеира, – возврати тогаш Балотели.

Пет години подоцна, фудбалските патишта повторно им се вкрстуваат во Џенова, а останува да видиме каква судбина ќе има Балотели по големиот новитет на Мараси.

😳 Vieira and Balotelli do NOT like each other

“His isn’t made for team sports, it’s very difficult for me to work with him.” – Vieira

“I never would’ve left Nice if it wasn’t for Vieira.” – Balotelli

They’re now reunited at Genoa 🥴 pic.twitter.com/q9HqMB9AMq

— Italian Football TV (@IFTVofficial) November 19, 2024

Il Genoa CFC comunica che Alberto Gilardino è stato sollevato dall’incarico.

La società ringrazia mister Gilardino per i traguardi raggiunti insieme nel corso degli anni e gli augura il meglio per la propria carriera. pic.twitter.com/BscCu2krdE

— Genoa CFC (@GenoaCFC) November 19, 2024