Путинцева ги шокираше тениските фанови во Њујорк со својот патетичен однос кон девојчето кое собира топки (Видео)

Ига Швјонтек и Арина Сабаленка како главни фаворитки за највисок дострел во Њујорк се пласираа во осминафиналната фаза на последниот тениски грен слем, но во оваа рунда ќе ја гледаме и Италијанката Јасми Паолини која игра во извонредна форма во последно време.

Паолини во третата рунда ја совлада Јулија Путинцева од Казахстан со 2:0 во сетови, но нејзиното добро издание се најде во сенка поради непрофесионалното и неетичко однесување на нејзината ривалка.

Казахстанката Путинцева покажа навистина лоши манири во поразот од Паолини, и тоа не кон ривалката, туку кон девојчето кое собира и додава топки.

Разочарана од својата игра, Казахстанката реши да си погрува со девојчето кое и ги додава топчињата, па нејзиниот патетичен однос брзо наиде на остри реакции од гледалиштето.

Јулија доби свирежи од фановите за своето срамно однесување, а ништо подобри коментари не добива и на социјалните мрежи.

Yuliya Putintseva. De profesión tenista. De educación muy justa. pic.twitter.com/LdrCXM0QnD

— Pacojo (@PacojoSER) September 1, 2024