Пулишиќ: Пред нас е голем предизвик во ЛШ, ако сакаме добар резултат…

Милан конечно дојде до првата сезонска победа и тоа во дуелот со Венеција кој го доби со убедливи 4-0 со голови постигнати уште во првото полувреме.

Овој триумф им беше повеќе од потребен на „росонерите“, триумф кој сигурно ќе донесе кревање на самодовербата пред двата тешки натпревари, првиот против Ливерпул во Лигата на шампионите, а потоа и големото дерби со Интер во Серија А.

-Тоа е почеток на се надевам добар моментум од нас. Ова е добра победа, но ни претстојат неколку важни натпревари и се надеваме дека тоа е само почеток, -рече Кристијан Пулишиќ кој го најави соочувањето со Ливерпул.

-Ова е нашиот прв натпревар во Лигата на шампионите оваа година против голем клуб, се разбира, голем предизвик.

-Играаме на нашиот стадион, се надеваме дека ќе имаме одредена самодоверба од овој натпревар. Мора да имаме добар настап ако сакаме резултат, -порача Американецот.