Пулишич верува во Челси: Се е возможно, можеме до Топ 4 во ПЛ

Челси има турбулентна сезона пред се во Премиер лигата каде е дури на 10 позиција на табелата, односно има дури 31 бод помалку во однос на лидерот Арсенал.

Ова најдобро говори за тоа како играат „сините“ во домашната конкуренција, но според Кристијан Пулишич тие имаат добри шанси да се изборат за Топ 4 пласман до крајот на кампањата.

-Ние ја изградивме нашата доверба. Ми се допаѓа начинот на кој играме на многу начини. Несреќен беше мечот со Евертон, но можеме да бидеме горди што го го надминавме тешкиот период и се обидуваме да гледаме напред.

-Ние сме самоуверен тим, знаеме дека имаме доволно добри играчи за да направиме штета во Лигата на шампионите и треба да се фокусираме на ПЛ и сè уште да се бориме за да влеземе во Топ 4 и да направиме најдобро што можеме во двате натпреварувања. Ако забележиме неколку победи можеме да дојдеме до најдобрите четири. Сè уште треба да ги играме со тимовите кои се над нас. Се е можно. Ние ќе продолжиме да се бориме, -порача Американецот.

Последното место кое води во ЛШ го држи Тотенхем со 49 бода или поточно има плус 11 во однос на Челси.