Пујол за младата ѕвезда на Барселона: Комплетен играч, потсетува на Пике!

Карлес Пујол како лидер беше дел од една успешна генерација на Барселона, капитен кој знаеше да биде врвен професионалец и одличен пример кој едноставно останатите мораа да го следат.

Поминаа десет години од неговото повлекување, но тој е легенда и со големи букви засекогаш ќе биде запишано неговото име во историјата на Барселона, тим кој се обидува да создаде нова генарација, генерација во која најголемиот дел од играчите, срцето ќе бидат од Ла Масија.

Еден од оние што се наметнува дефинитивно е дефанзивецот Пау Кубарси, тинејџерот кој знае да биде споредуван со Пујол, но според Карлес тој има повеќе црти на Жерард Пике.

-Тој е многу комплетен играч, со многу добар опсег на додавање од топката. Во оваа смисла тој повеќе личи на Пике отколку на мене. Неодамна имав можност да разговарам со него. Ми се допаѓа што има толку редовен настап, често без грешки. Тоа е импресивно. Тој е многу сериозен и професионален.

-Куварси е многу паметен во одбрана. Тој е конкурентен и секогаш е фокусиран. Не е лесно да се има таков мир на таа возраст, -порачал Пујол за „Ел Паис“.