ПСЖ сака да се ослободи од Нејмар, медиумите го поврзуваат со Јувентус

ПСЖ во новата сезона очигледно ќе има нов тренер, а веќе има нов спортски директор кој го замени Леонардо.

Луис Кампос има поинаква стратегија од Бразилецот и веќе размислува за сериозни промени, а една од нив е разделбата со Нејмар.

Бразилецот има плата од 30 милиони евра и е голем товар за буџетот на францускиот клуб, додека Кампос и неговите соработници не го сметаат за клучен во градењето на спортскиот проект околу Килијан Мбапе.

Француските медиуми го поврзаа Нејмар со Јувентус, односно шпекулираат дека Бразилецот бил понуден на „бјанконерите“, за кои сепак годишната плата е превисока.

Како опција за олеснување на зделката е Моисе Кеан, кој би заминал во спротивна насока и повторно би настапувал за ПСЖ, каде мина една сезона на заем од Евертон.