ПСЖ потврди трансфер на голем француски талент за чиј потпис лицитираше и Баерн Минхен

Раководството на ПСЖ успеало да договори уште едно важно засилување во ерата по Килијан Мбапе, а во случајов се работи за голем француски потенцијал кој уште отсега има сериозна цена на трансфер пазарот.

Се работи за Дезире Дуе, фудбалерот на Рен кој неодамна го потврди својот потенцијал и како член на олимписката репрезентација на Франција и за чиј потпис долго се бореше и Баерн Минхен.

Дуе долго размислувал каде да ја продолжи кариерата, па се одлучил да остане во Франција и да потпише за актуелниот шампион, кој сигурно не штедел во однос на финансиските услови понудени до идната ѕвезда на францускиот и светскиот фудбал.

ПСЖ и Баерн лицитираа со трансфер сумата, по што Насер Ал Келаифи лично се вклучил во преговорите и ветил 60 милиони евра за Рен и лично зборувал со фудбалерот за да го убеди да се пресели во престолнината.

Дуе потпишал петгодишен договор со ПСЖ и клубот утринава се пофали со овој договорен трансфер.

📣 «̶ ̶A̶n̶n̶o̶n̶c̶e̶ ̶D̶o̶u̶é̶ ̶»̶

Désiré Doué rejoint le Paris Saint-Germain ❤️💙#WelcomeDoué pic.twitter.com/4Z68wds3Nm

— Paris Saint-Germain (@PSG_inside) August 17, 2024