ПСЖ и Магдебург ги грабнаа првите билети за завршниот турнир во ЛШ

Ракометарите на Пари Сен Жермен и Магдебург обезбедија пласман на завршниот турнир во Лигата на шампионите.

ПСЖ по втор пат беше подобар од бундеслигашот Кил (32-29) и со вкупни 63-56 избори место во Келн. Избраниците на Раул Гонзалес во двете полувремиња беа подобри од „зебрите“ и сосема заслужено одат во наредната фаза, поточно ќе можат да се борат за пехарот во елитната конкуренција.

Голманот Грин имаше 11 одбрани, додека Криштопанс ја предводеше листата на стрелци со 6 голови.

Магдебург пак на крилата на неверојатниот  Смитс ја доби Висла Плоцк и на тој начин останува во игра за трофејот во ЛШ. Германскиот состав победи во 30-28 и тоа во средба во која холандскиот репрезентативец Смит кој даде 14 голови.

Останатите патници за Келн ќе бидат познати утре по реваншите Барселона-ГОГ и Кјелце-Веспрем.