ПСЖ едвај победи без Покетино, Курзава ги засени ѕвездите од нападот (Видео)

Неколку дена по освоениот трофеј во Суперкупот, играчите на ПСЖ на теренот покажаа дека има последици од акумулираниот замор, па вечерва апсолутниот фаворит за титулата едвај победи на гостувањето кај Анже.

Тимот од стадионот „Рејмод Копа“ бележи фантастична сезона и тоа го потврди денеска кога максимално добро му парираше на моќниот ПСЖ, а доказ за тоа се и сите статистички податоци од мечот кои велат дека домашниот тим имаше речиси идентичен број на обиди за гол како тимот од престолнината.

ПСЖ на овој меч не можеше да смета на својот нов тренер Маурисио Покетино кој е во изолација поради позитивен тест на Ковид 19, а во негово отсуство и во отсуство на реализација на играчите во нападот, неочекуван херој беше Лејвин Курзава.

Левиот бек на „светците“ ја направи главната разлика на натпреварот со кој беше затворена саботната програма во Лига 1, а по кој ПСЖ за момент го презема врвот на табелата пред Лион кој утре игра против Мец.

Курзава го постигна единствениот гол на 20 минути пред крајот на средбата, а тоа се покажа како доволно за освојување на важни три бода во битката за титулата.