ПСЖ е подготвен да притисне за ѕвездата на Јунајтед: Неверојатен играч…

Пари Сен Жермен е клуб кој секогаш се обидува да ги договори најдобрите играчи, па често успеава тоа да го направи, да дојде до посакуваните цели.

Новата година сигурно ќе донесе и нова енергија, желба кај „светците“, па една од трансфер целите може да биде асот на Манчестер Јунајтед, Маркус Рашфорд. Офанзивецот е во последната година од договорот со премиерлигашот, па ПСЖ може да се обиде да го искористи овој момент.

-Тој е уште еден играч кој е неверојатен и бесплатен? Да се добие Рашфрод без обештетување, секој клуб ќе трча по него. Дефинитивно тоа не го криеме. Зборувавме претходно… моментот не беше добар момент за двете страни. Можеби на лето, зошто да не? Ако е слободен агент, се разбира, можеме директно да разговараме со него, но нема да разговараме сега со него. Нека се фокусира на Светското првенство, а потоа, во јануари, ако сме заинтересирани, ќе разговараме со него, -порача претседателот Насер Ал Келаифи.

Маркус во актуелнава сезона игра одлично како за Јунајтед така и Англија за која досега даде три гола на Мундијалот во Катар.