ПСЖ доминира во Франција, но Олимпик Марсеј има посебно значење за националниот тим

Екипата на ПСЖ последниве години доминира во француското првенство и со својата финансиска моќ ги потисна останатите клубови, но последните настапи на националниот тим истакнаа и едно посебно значење за Олимпик Марсеј.

Поранешниот европски шампион во моментов се уште не може целосно да му парира на ПСЖ, но веќе формира респектабилен тим, во кој од неодамна е вклучен и Адриен Рабио.

Рабио постигна два гола за француската репрезентација во големата и важна победа над Италија во Лигата на нации, па го зацврсти Олимпик Марсеј како тим чии фудбалери постигнале најмногу голови во националниот тим.

Статистиката вели дека 37 голови се постигнати од играчи кои во тој момент настапувале за Марсеј, додека Монако и ПСЖ се на делба на второто место со по 26 голови. Во првата петорка се и Ст. Етјен и Бордо со по 23 голови на фудбалери кои настапувале за овие тимови и биле француски репрезентативци.

L’@OM_Officiel, pourvoyeur de but de l’équipe de France 🔝🇫🇷 pic.twitter.com/p5sPPvWaaA

— Prime Video Sport France (@PVSportFR) November 19, 2024