Прволигашот доби генерален директор: Туран ќе биде десна рака на новиот претседател на Шкупи

Екипата на Шкупи ја информираше јавноста дека Ајкут Туран е назначен за нов генерален директор.

Тој ја прифатил функцијата и во иднина ќе биде десна рака на претседателот Јасин Коњали. Улогата пак на спортски директор ќе ја има Ндерим Неџипи, па во клубот од Чаир се надеваат дека оваа група на луѓе одлично ќе функционира и ќе го врати клубот на победнички патеки.

Инаку ова за Туран ќе биде прва работа надвор од Турција, досега има работено во Менеменспор, Алтинорду, Бурсаспор и Аданадемирспор.

Неговата задача ќе биде менаџментот на Шкупи и младите таленти на скопскиот прволигаш.