Прво полувреме во Неапол: Очајна Италија, историја за Кејн (Видео)

Првото полувреме во Неапол донесе големо разочарување на трибините на „Диего Армандо Марадона“, бидејќи Италија одигра очајно лоши 45 минути, во кои Англија можеше и комплетно да го реши прашањето околу победникот.

Тимот на Роберто Манчини најверојатно го одигра најлошото полувреме под неговото водство, бидејќи Англија постигна два гола, а можеше и трет пред самиот крај на овој дел.

Џек Грилиш пропушти стопроцентна шанса за 0:3, но пред да дојде до тоа, Хари Кејн се погрижи за рекорд и стана најдобар голгетер во историјата на англиската фудбалска репрезентација.

Напаѓачот го мина Вејн Руни на вечната листа и изби на врвот со 54 голови за репрезентацијата, еден повеќе од човекот кој неколку години важеше за најдобар англиски голгетер.

Претходно, Англија дојде до предност уште во раната фаза, а стрелец на голот беше Деклан Рајс.

Harry Kane surpasses Wayne Rooney as England’s all-time top scorer 🦁 pic.twitter.com/j3yPbp8M5C

— Football on BT Sport (@btsportfootball) March 23, 2023