Прво домашно засилување: Македонија Ѓорче Петров го обезбеди потписот на искусниот Велкоски (ВИДЕО)

Поранешниот македонски репрезентативец, Крсте Велкоски е ново засилување за составот на Македонија Ѓорче Петров.

Велкоски доаѓа во Ѓорче Петров од редовите на Работнички и дефинитивно ќе биде добро освежување во офанзивната линија. Крсте е искусен напаѓач кој во својата кариера има настапувано уште во Романија, Кипар, Јужна Кореја, Босна и Херцеговина и Тајланд.

Претходно „лавовите“ во нападот го обезбедија и Џонатан Балотели што значи дека прволигашот во вториот дел од сезоната ќе има проверени, докажани фудбалери со искуство, знаење кои ќе треба да помогнат Македонија да исплови во мирни води во шампионатот, а во исто време да се проба да се одбрани трофејот во Купот што во случајов би значел хет-трик за клубот од западната скопска населба.

Инаку ѓорчепетровци досега се засилија со уште дваја фудбалери Џонатас Жилберто да Силва и Давид Родригез Лопез.