Првиот човек на Кристал Палас шокиран од стартот во ФА Купот: Му го загрози животот на Матета (Видео)

Кристал Палас си ја заврши задачата и се пласираше во четвртфиналето на ФА Купот, но луѓето од домашниот табор останаа огорчени од потег на противнички фудбалер на Милвол.

Гостите дојдоа со сериозна намера да се бранат на „Селхрст парк“, меѓутоа работите станаа значително потешки за нив откако голманот Лајам Робертс заработи директен црвен картон за непромислен старт за во затвор.

Чуварот на мрежата на Милвол со отворена копачка го удри Жан-Филип Матета во пределот на главата, старт поради кој играчот на Кристал Палас доби неколкуминутна лекарска помош, пред да биде испратен во болница.

Иако вестите од болницата во Лондон се позитивни за играчот на Кристал Палас, првиот човек на клубот не пропушти шанса да го нападне Робертс, за кого вели дека денеска му го загрозил животот на Матета на фудбалскиот терен.

– Матета заврши во болница поради ударот во главата и сите се надеваме на најдоброто. Знам дека има многу емоции кога се изглегува на фудбалски терен, но мора да обрнеме внимание и да зборуваме за тој старт. Во целиот мој живот како фудбалски фан, не сум видел толку лош старт.

– Видов колку години има нивниот голман, станува збор за 30-годишен искусен професионалец. Тоа е најневнимателниот старт кој сум го видел на фудбалски терен и мора да се погледне во огледало. Денеска му ја загрози професионалната кариера, а можеби и животот на Матета, – изјави Стив Периш.

La entrada que le hicieron a Jean-Philippe Mateta que como resultado, tuvieron que sacar al jugador en camilla en el partido del Crystal Palace vs Millwall: pic.twitter.com/3eNSoAlWwa

— Futbol de Inglaterra (@Mercado_Ingles) March 1, 2025

Jean-Philippe Mateta’nın oksijen maskesi ve sedyeyle sahadan ayrılmasına neden olan durum. 🤕🤕

❌ Milwall kalecisi Liam Robert, direkt kırmızı kart gördü

pic.twitter.com/yVwyVACGVH

— EPL Günlükleri (@EPL_Gunlukleri) March 1, 2025