Првиот човек на Џенова со јасен став: Ако Серија А се прекине ќе настане апокалиптично сценарио

Се уште не е познато дали првенството на Апенинскиот полуостров ќе продолжи или истото ќе биде прекинато.

Јавноста во Италија е поделена по ова прашање, но јасно е дека повеќето сакаат Серија А да продолжи и на терен да се добијат одговори на прашањата кој ќе стане шампион, кој ќе оди во Европа и кој ќе испадне од лигата.

Првиот човек на Џенова, Енрико Прециози смета дека прекинување на првенството би било катастрофална одлука која не би била добредојдена за никого.

– Ако лигата биде прекината на сцена ќе стапи апокалиптично сценарио. Таквата одлука би ги уништила сите планови на фудбалските работници. Уште чекаме да видиме што ќе одлучат ТВ куќите. Џеноа со откажувањето би изгубила меѓу 20 и 30 милиони евра и тоа дури не е ни точен податок. Постои проблем околу сезонските карти, ќе настане целосна катастрофа, -изјави Прециози во интервју за „РАИ“.

Дел од тимовите од Серија А веќе започнаа со индивидуални тренинзи и се во исчекување на конечната одлука дали првенството ќе продолжи.