Поврзете се со нас

Лига на шампиони

Првиот човек на Аталанта со сериозни обвинувања: Лесно е да се заклучи зошто загубивме од Реал!

Објавено

на

blank

Аталанта многу добро се носеше против Реал Мадрид и со играч помалку на теренот цели 75 минути, но сепак на крајот претрпе минимален пораз и со неповолен резултат ќе отпатува во шпанската престолнина на реванш осминафиналето во Лигата на шампионите.

Италијанскиот тим остана без Фројлер уште во 17-та минута, одлука која според многумина беше престрога од страна на главниот судија Штилер, но и од луѓето во ВАР собата кои одлучија да не реагираат и да останат на првичното решение.

Тренерот Гасперини распали по главниот судија и му препорача да си бара друга работа во ситуација кога актуелната не ја извршува како што треба, но доста поостар беше првиот човек на Аталанта кој сега излезе со сериозни обвиненија.

– Бев шокиран, почнав да се тресам кога видов дека судијата извади црвен картон. Мислев дека погреши со изборот и дека ќе додели само жолт картон, а потоа бев сигурен дека луѓето од ВАР ќе интервенираат и ќе го поништат исклучувањето. Бев максимално деконцентриран во тие моменти, тоа беше вистински срам и огромна неправда, по што лесно е да се заклучи зошто загубивме – вели Антонио Пераси за „Газета“.

– Добив впечаток, јасен впечаток дека станува збор за намерно фаворизирање на најважниот клуб во Лигата на шампионите, клубот што има најважна историја во ова натпреварување. Всушност, тоа не беше впечаток, тоа на крајот стана заклучок. Да беше само една одлука, ќе беше впечаток, но судијата направи толку грешки, што морав да ги запишувам. Еве едно прашање. Зошто Касемиро не доби црвен картон? , – прашува претседателот на Аталанта.

Реклама
Реклама
Реклама

Популарни