Првиот асистент на шпанскиот селектор прифатил примамлива понуда од Катар

Шпанската фудбалска репрезентација триумфираше на последното Европско првенство, а селекторот Луис де ла Фуенте ќе се обиде да ја одведе „фуријата“ до врвот и на следните големи натпреварувања.

Сепак, во иднина искусниот стручњак нема да може да смета на својот прв асистент, кој решил да прифати повеќе од примамлива понуда од Катар.

Речиси анонимниот Пабло Амо официјално се повлече од својата соработка со федерацијата и својата прва самостојна тренерска функција ќе ја има на клупата на Ал Араби.

Клубот од Катар му понудил годишна плата од 5 милиони евра, плата која може да ја сонуваат многу попознати европски фудбалски тренери, а Амо решил да ја прифати и да тргне со самостојната кариера од катарското првенство.

Амо е посебно ценет од Де ла Фуенте и тој најчесто ги разработувал тактичките задачи пред репрезентативците, а во Ал Араби ќе замине со уште неколку тренери, експерти за фитнес, односно скаутинг, експерти кои исто така работеле во шпанските репрезентации и имале забележителни резултати.